ازيكوا يا شبابنا يا حلوين .. بالمناسبة تحية خاصة لكل أهل المنصورة اللى موجودين معانا فى المنتدي دي تفاصيل حفلة تامر حسني اللى كانت فى جامعة المنصورة بمناسبة انتهاء الاسبوع الجامعي بحضور 17 الف فرد
صور الاستيدج
تنظيم: EYE CATCHING ENTERTAINMENT +
AMAZON ENTERTAINMENT
وده بوستر الحفلة
ده كلام واحد حضر الحفلة .. الحفله كانت منظمه كالاتى البنات تكون فى ارض الملعب لواحدها جمب الاستدج والشباب على المدرجات لاعدام اى مشكله ممكن تحصل فى الحفله زى الحفلات اللى بتحصل ودى بصراحه حاجه عجبتنى اوووووووى من التنظيم المهم بدا الدى جي يشتغل على الساعه 6 او 6 ونص تقريبا مع ياسر الحريرى وقدم عرض جميل جدا
نبدأ من اول التذاكر اللى حصل ان تامر رخص تمن التذاكر جدا عشان كان عايز كل فئات الشعب يروحوا وكله بيقول دى غلطة عملها لكن هى مش غلطة دى حاجة كويسة جدا هو عملها بس الناس مش مقدرة اى حاجة كانت التذاكر بالشكل ده المقصورة 50 جنيه المدرجات 10-20 جنيه وكان فى تذاكر جروند بس للبنات فقط المهم التذاكر كانت فى الكليات ومراكز وكده وطبعا قدام الاستاد التذكرة وصلت قدامى من 20 لــــ 80 جنيه وكان فى أزيد كمان حاجة غريبة
المهم كان النظام ان البنات يبقى فى ارضيه الملعب والشباب طبعا فى المدرجات عشان الاختلاط والتحرش اللى كانوا خايفين منه منظمى الحفلة بس حصل اللى كانوا مش متوقعينه
ودى كانت اول غلطة فى الحفلة بجد عملها تامر مع انى متأكد ان لا يمكن يكون هو صاحب الفكرة
وهى اننا سمعنا الدى جى مان قال عايزين تنزلوا ؟قلنا طبعا اه قال وتامر مش هيجى الا والملعب مليان وطبعا كان الامن مية مية سعتها بقى فيه تسيب جامدو بدأ الشباب طبعا بالرشاقه انهم ينطوا مسافة حوالى 6 متر من المدرجات للملعب ولكن كان معظم الناس نازلا عشان البنات وانا كنت من اللى نزلوا بس مش عشان البنات طبعا وفجأه حصل اللى لايمكن انى احكية ابداً البنات كانوا محميين لما كانوا لوحدهم لكن حسبى الله ونعم الوكيل على كل واحد عمل اى حاجة بدأت التحرشات بأنواعها حاجة فظيعة بجد ومحدش هموا اى حاجة خالص والبنات اغمى عليها واللى هدومها اتقطعت وغيرة وغيرة حاجة بجد تصعب على اى حد وعلى فكرة كان فى شباب عندهم مروءة كانوا بيبعدوا الشباب عن البنات بالقوة حسبى الله ونعم الوكيل وبعدين ظهر نجم الجيل عشان الناس تنتبه له شويه وفعلا غنى يا تاعبنى وكان اول اغنيتين تمام والدخلة كانت جميله جدا وفجأه ظهر اول شجاع وطلع على الاستيج عشان يسلم على تامر وطبعا دى كانت اول المسخرة فى الحفلة والبودى جرد جه ينزلوا تامر قاله سيبه وسلم عليه وبكده كل اللى فى ارضيه الملعب عايزيين يطلعوا عشان يتصورا مع تامر والعدد 17.000 هههههههههههههه مش هكمل يعنى بعديها حصل ازدحام بطريقه غبيه من الشباب على البنات وبدات من هنا الكوارث تامر وقف الحفله لان فى بنت اغمى عليها وبنات بتقع على الارض والشباب طبعا بيدوسو عليهم ومنظر زباله اوى وتامر مش عارف يغنى ووقف تامر الحفله اربع مرات بسبب الهجوم على الاستيج ومبقاش عارف يغنى خالص وبدأ انه يغنى تانى بس من بعيد شويه وطبعا بعد اما اتفقع جزمة زى بتاعت بوش بالظبط والله صعب عليا وبدأ الشباب يرفعوا صور لنجمنا المفضل حبيب الملايين عمرو دياب وكمان صور مكتوب عليها Tamerhiters وبقت عبارة عن ناس تايهه وناس مغما عليها وتيمو طبعا عمال يقول كذا تايه وكذا تايه وحاجات غريبة
نيجى للكلام المظبوط بجد تامر النهاردة على قد ماقدر يحفظ شكله بخوفه على الناس والبنات بالذات والناس اللى بتموت وانا منهم وطلع بجد راجل محترم جدا جدا باللى عمله بصراحة وكمان كل شويه يقول انا جاى اغنى لأهل المنصورة ومش همشى بعد الجزمة طبعا
كان ميعاد انتهاء الحفله الساعه 2 بس هوا خلص الحفله بعد نص ساعه متضطر طبعا غصب عنى مشى بعد ماغنى حوالى 7 أغانى بالعافية
( اوعوا تفكروا ان البنات كان بيغمى عليهم لما شافوا تامر لألألأ ده كان من ضيق التنفس من كتر الزق هههههه)
بأسم جمهور المنصورة بجد اانا زعلان على الى اتعمل دا مكنش منظر حضارى و لا دا جمهور المنصورة الجميل الى تامر جايلة من اخر الدنيا عشان يفرحة بجد احنا اسفين يا تامر وياريت ماتزعلش مننا
شهد ستاد جامعة المنصورة مساء أمس، الأربعاء، واحدة من أسوأ الليالى فى حياة تامر حسنى الفنية، وذلك خلال إحيائه للحفل الترفيهى الذى يقام فى ختام أسبوع شباب الجامعات، والذى يعد أول حفلات تامر التى اتخذ لها شعار "مشوار فى حب مصر"، حيث سبق أن أشار عن نيته لإحياء 6 حفلات بدون أجر فى كبرى المحافظات المصرية للمحتاجين، وهذا الحفل "أول المشوار"، حيث تأخر تامر عن فقرته لأكثر من 3 ساعات والتى كان من المقرر أن تبدأ فى السابعة مساء، والسبب بالطبع لحين امتلاء أرض الإستاد بالجمهور، خاصة أن الحضور مجانا للطلبة، ونجاح الحفل مضمون.
ولكن ما حدث هو أنه تم تخصيص مقاعد المدرجات للشباب الذكور بينما وقفت الفتيات أمام خشبة المسرح كواجهة لمعجبات تامر، حيث يشاع أنهن أكثر من الذكور، وهو الخطأ الذى اكتشفه المنظم هادى عادل لأن الفتيات لم يتعد عددهم أكثر من 1500 فتاة فقط، بينما تجاوز عدد جمهور المدرجات من الشباب أكثر من 7 آلاف ذكر ظلوا يرددون عبارات استنكار خلال فترة الانتظار لتحقيق العدد المطلوب على أرض الإستاد. كان تامر على اتصال بالمنظم لمعرفة العدد النهائى، لدرجة أن المنظم طالب كل الفتيات الحاضرات بالاتصال بصديقاتهن لحضور الحفل كى تمتلئ أرض الإستاد ويصعد تامر.
وفى النهاية أكد أحد العاملين بالتنظيم أن تامر أعطى أمرا لهادى بنزول الشباب من المدرجات لأرض الإستاد، وهنا كانت الكارثة، حيث هجم الشباب على الفتيات لاحتلال الصفوف الأولى من خشبة المسرح، مما تسبب فى سقوط الكثيرات من الفتيات إلى جانب بعض التحرشات التى أفزعتهن، بينما عبرت أخريات على رفضها لقرار تامر الذى اتخذه لإرضاء غروره كنجم جماهيرى على حساب التضحية بهن، حيث قامت بعضهن بتقطيع بوسترات تامر وأخريات قمن بقذفه بأحذيتهن، بينما انسحبت الباقيات من الحفل قائلات "خلى الولاد تنفعه".
المهم فى الأمر أن تامر لم يستطع أن يقدم سوى 8 أغنيات تخللها العديد من الصرخات والإيقاف المؤقت من قبل إدارة الجامعة فى محاولة للسيطرة على الحفل لإنقاذ البنات، أو منع المتسلقين من الشباب على خشبة المسرح، ليغادر تامر الحفل بعد أقل من ساعة لصعوده خشبة المسرح، خاصة عقب فشل كل المحاولات للسيطرة على الحفل. رغم التجهيزات المبهرة بداية من مسرح ضخم بأحدث وسائل الليزر إلى جانب أجهزة الصوت ومؤثرات بصرية، إلا أن ذلك لم ينقذ تامر حسنى من السقوط فى موقعة المنصورة.
وده كلام الجرايد وانتم عارفيين كلامهم الغريب
هادى يتفقد الجمهور فى بداية الحفل
ياسر الحريرى وإعجاب خاص من الفتيات
ياسر يتجاهل تعليقات الشباب لعدم تمكنهن من المشاركة فى الحفل
موضوع: ميدو الهارلى 
الأحد فبراير 15, 2009 9:53 pm
وانا كنت من اللى نزلوا بس مش عشان البنات طبعا 
والله صعب عليا وبدأ الشباب يرفعوا صور لنجمنا المفضل حبيب الملايين عمرو دياب وكمان صور مكتوب عليها Tamerhiters 
